نشر توسط:admin Views 25 تاریخ : 6 اسفند 1394 نظرات ()
صراط هدایت
حبیب رسالت حسیندور حسین
سراج هدایت حسیندور حسین
دلیل سعادت حسیندور حسین
صراط هدایت حسیندور حسین
امین امانت حسیندور حسین
او شه کی اونا خاتم الانبیا
لقب وردی ریحانۀ مصطفی
مکرر دیدی جانوه من فدا
بویوردی اوز اصحابینه برملا
شفیع قیامت حسیندور حسین
محمد او پیغمبر نیک خو
رسول وفرستادۀ ذات هو
ایدوب قاب قوسینده گفتگو
ایشتدی نچه کلمه سرَِمگو
مگودن عبارت حسیندور حسین
گلاب پر عطرِگلِ مصطـــفی
صفـا بخش جان ودل ِمصطفی
برازندۀ محفـــــل مصطفی
فـــــــروزندۀ منزل مصطفی
همای سعادت حسیندور حسین
ید قدرت حق علیدور علی
امامتده مطلق علیدور علی
خلافتده بر حقَ علیدور علی
صدیق ومصَدِق علیدور علی
ظهیر ِ صداقت حسیندور حسین
یازوب عرشنه خامۀ کردگار
کی اقرار توحید پروردگار
اولور اهل توحیده ایمن حصار
همان حصنه یول تاپاقون شرطی وار
او شرطه دلالت حسیندور حسین
او ضربت کی عمره ویروب مرتضی
فضیلتده آرتوقدی گلدی ندا
عبادتدنی کی ایدر ماسوا
او فضل و عبودیته الحقا
فضیلت شرافت حسیندور حسین
حسین مفخر شاه لولاک دور
حسین زینت عرش وافلاکدور
حسین عزت عالم خاکدور
حسین پاکدور، پاکدور پاکدور
مقدس ولادت حسیندور حسین
حقیقت کساده اولان مردوزن
محمد دی، زهرا، علیدور حسن
اولوب جبرئیل داخل انجمن
همین انجمن ده گل پنج تن بهار طراوت حسیندور حسین
بهشت دور حسین قاننون قیمتی
چکوب بو مقامه اوز عبدیتی
حسینیله کیم گیتسه وار لذتی
حسین سیز بهشتون ندور عزتی
بهشته کرامت حسیندور حسین
اونون قبه سی آتدا هر مبتلا
خلوص وصداقتله ایسته دعا
او شخصون اولور مطلبی تزروا
دعایه هدف درگه کبریا
در استجابت حسیندور حسین
گوروب فاطمه عکسنی بوالبشر
ایکی گوشوار اوندا دور جلوه گر
بیری قرمزیدور بیری سبزتر
بیری مجتبی رنگنی یاد ایدر
او قرمز علامت حسیندور حسین
او جمعه بویوردی رسول خدا
واریمدی خدا ونده حمد وثنا
حسین تک اوغول ایلیوبدور عطا
هامودان اوزوم عاشقم من اونا
منه روح راحت حسیندور حسین
به فرمان ذات خدای جلیل
نزول ایلدی محضره جبرئیل
سلام حقی دوتدی الده دلیل
سفارش ایدوب خالق بی بدیل سزوار ساحت حسیندور حسین
حسینیمده دور منصب بندگــی
حبیبیمدی یوخ اوندا شرمندگی
وار عبدتینده برازندگـــــــی
قیامتده ویرَم نمایندگــــــی
مدیر شفاعت حسیندور حسین
انوب یثربه شادمان جبرئیل
اوسرخیل قدوسیان جبرئیل
اوزین ایتدی گهواره بان جبرئیل
تفاخر له قیلدی بیان جبرئیل
پیامبر شباهت حسیندور حسین
حریر بهشته بوکوب پیکرین
فراش ایتدی روح الامین شهپرین
آپاردی ایده سیر عرش برین
ملک لر دیدی آفرین آفرین
بوصاحب صدارت حسیندور حسین
مزَین ایدوب روضۀ جنتی
تبَرک تاپوب جنتون نعمتی
شرفلندی اوز قاننون قیمتی
چکه ناردن نوره وار صحتَی
وکیل برائت حسیندور حسین
اوشه کی لباس بهشتـــــی گیوب
سر انگشت معصومیدن سـود ییوب
اونا لحمک لحمـــــی جدَی دیوب
نشانگاه دینه سوار ایلیـــــــوب
مقام ِ لیاقت حسیندور حسین
اونی آلدی آغوشــــه خیر الانام
حسین جدَینه عرض قیلدی سلام
بویوردی پیمبـــــر علیکِ سلام
دیدی اهل بیته منیـــــم بو بالام
مگو دان عبارت حسیندور حسین