خبرگزاری آیصد (جدیدترین و جذاب ترین اخبار ایران و جهان)

نشر توسط:admin Views 24 تاریخ : 6 اسفند 1394

فيكريندن گئجه­لر ياتا بيلميرم

بو فيكري باشيمدان آتا بيلميرم

دئيرم، چون سنه چاتا بيلميرم

آيريليق، آيريليق، آمان آيريليق

هر بير درددن اولار يامان آيريليق

اوزوندور هيجرينده قارا گئجه لر

بيلميرم، من گئيديم هارا گئجه لر

وروب دور قلبيمه يارا گئجه لر

آيريليق، آيريليق آمان آيريليق

هر بير درددن اولار يامان آيريليق

ياديما دوشنده آلا گوزلرين

گويده اولدوزلاردان آللام خبرين

نيلديم كسيبدير مندن نظرين

آيريليق، آيريليق، آمان آيريليق

هربير درددن اولار يامان آيريليق

نئجه كي ائليمده آيري دوشندن

سورار بير ـ بيريني گوروب بيلندن

حسرتله سيزلايار دائم بو غمدن

آيريليق، آيريليق،آمان آيريليق

هربير درددن اولار يامان آيريليق

آيريليق در ديني چكمه­ين بيلمز

ياردان آيري دوشن گوز ياشين سيلمز

ديررلر انتظار خسته سي ئولمز

آيريليق، آيريليق، آمان آيريليق

هربير درددن اولار يامان آيريليق

ايل لردي اوزاقام آرخام ـ ائليمدن

بولبولم دوشموشم آيري گولومدن

جورايله آيريب شيرين ديليمدن

آيريليق، آيريليق، آمان آيريليق

هر بير درددن اولار يامان آيريليق

اولوبدور «بي­گانه» ياريم يولداشيم

«غريبه» ساييليز، دوستوم ـ سيرداشيم

بوجاوان چاغيمدا آغاريب باشيم

آيريليق، آيريليق، آمان آيريليق

هر بير درددن اولار يامان آيريليق

مني آغلاداندان گولوش ايسته رم

آيري دوشنيمله گوروش ايسته رم

«حصاري» بيخماغا يوروش ايسته رم

آيريليق، آيريليق، آمان آيريليق

هر بير درددن اولار يامان آيريليق

سئوگي ليك اولوبدور شأني فرهادين

سئوگي‌سي هار­دادير، هاني فرهادين؟

ديررك چيخاجاق جاني فرهادين:

آيريليق، آيريليق، آمان آيريليق

هر بير درددن اولار يامان آيريليق