نشر توسط:admin Views 24 تاریخ : 6 اسفند 1394 نظرات ()
فيكريندن گئجهلر ياتا بيلميرم
بو فيكري باشيمدان آتا بيلميرم
دئيرم، چون سنه چاتا بيلميرم
آيريليق، آيريليق، آمان آيريليق
هر بير درددن اولار يامان آيريليق
اوزوندور هيجرينده قارا گئجه لر
بيلميرم، من گئيديم هارا گئجه لر
وروب دور قلبيمه يارا گئجه لر
آيريليق، آيريليق آمان آيريليق
ياديما دوشنده آلا گوزلرين
گويده اولدوزلاردان آللام خبرين
نيلديم كسيبدير مندن نظرين
هربير درددن اولار يامان آيريليق
نئجه كي ائليمده آيري دوشندن
سورار بير ـ بيريني گوروب بيلندن
حسرتله سيزلايار دائم بو غمدن
آيريليق، آيريليق،آمان آيريليق
آيريليق در ديني چكمهين بيلمز
ياردان آيري دوشن گوز ياشين سيلمز
ديررلر انتظار خسته سي ئولمز
ايل لردي اوزاقام آرخام ـ ائليمدن
بولبولم دوشموشم آيري گولومدن
جورايله آيريب شيرين ديليمدن
اولوبدور «بيگانه» ياريم يولداشيم
«غريبه» ساييليز، دوستوم ـ سيرداشيم
بوجاوان چاغيمدا آغاريب باشيم
مني آغلاداندان گولوش ايسته رم
آيري دوشنيمله گوروش ايسته رم
«حصاري» بيخماغا يوروش ايسته رم
سئوگي ليك اولوبدور شأني فرهادين
سئوگيسي هاردادير، هاني فرهادين؟
ديررك چيخاجاق جاني فرهادين: